Staatstruktuur:
Uitvoering
Die Staatsdiens word die Volkshuis genoem omdat alle burgers in die verantwoordelikhede en die uitvoering daarvan deel neem. Die behoud van dienste en orde word so ver moontlik onder oë gehou om te help waak teen daaglikse misdadigheid wat die volhouding daarvan vir almal belemmer.
Wette-stelsel
Die ZAR word deur die Skeppingswette gelei. Geen statutêre wette word erken nie. Geen gemene reg wette word erken nie.
Prioriteite
Uit die ernstige aard van misdaad in Suid-Afrika, geniet persoonlike veiligheid en sekuriteit die hoogste prioriteit. Elke burger moet homself en haarself bewapen en hul lewe en eindom in elke opsig beskerm en verdedig. Die volhouding van mense se primêre behoeftes geniet die daaropvolgende priotiteit. Die Boer as landbouer en voorsiener van kos, word daarom hoog geag.
Uitruil-waarde stelsel
Die ZAR het 'n unieke waardebepaling en regulering stelsel waarvolgens burgers dienste en goedere ruil. Die verantwoordelike wyse waarop hierdie stelsel toegepas word, verseker dat menslikheid baie hoog geag word. Dit sluit konsepte in soos dat elke mens moet kos hê om te eet. Dit bepaal weereens die belangrikheid van die Boer en landbouer wat deur die stelsel volle ondersteuning moet geniet sodat hy sy verpligtinge kan nakom. Daarmee saam word die veiligheid en sekuriteit van hierdie burgers baie ernstig opgeneem. Die stelsel sluit ook ander menslikheid konsepte in soos dat niemand sy woning of lewensmiddel kan verloor nie, nie deur die staat nie, nie deur 'n kontrak nie, nie deur skuld of enige ander rede nie.